Medallion Millennia

2005-08-28 Maggie @ Yuen Long 

posted by Red @ 7:29 下午 0 comments

《MaGintosh》 madness

photo from MaGintosh

今日第一眼...很不幸地令我想起一個許久以前已經想忘記的人......

　究竟是我沒有忘記過，還是這些記憶中的那個人才是我？我努力地想去忘記，但即使我不願承認，我卻知道我一直都有記起。

　有一瞬間我真的能忘記，但之後仍然會因為看見某件事而想起。舊記憶連綿不絕地拖在我腦後，背負得都很重．．．很重．．．我不能接受從前的那個我，不想相信曾經發生過的事，我想去改變這段歷史，雖然知道根本不可能做到，但我只想麻醉自己．．．令自己相信所有所有事都沒有發生過．．．

posted by Red @ 1:29 上午 0 comments

2005 香港小姐選舉冠軍 - 葉翠翠

　二零零五香港小姐選舉曲終人散，選前選後事非新聞天天不絕，負面新聞當然佔多數．．．大多數。

　始終沒辦法替誰說不值，因為能站出場，便要受人言。所謂「娛樂圈」，一切旨在娛樂為先，就是想人看想人說。選舉期間流言此起彼落，聽得多看得多說得多，原來可令人質疑自己對事情本來的認知，然後會發覺自己對人的信心原是如此薄弱。

　我們都有種傾向，就是當媒體報道提出質疑時，我們都很想知道當事人有甚麼話要說。然後先入為主，早前報道在心中產生的偏見會令我們傾向於質疑當事人的話，認為當事人正在掩飾，但我們永遠不會主動去追究報道的真確性。

　或許這便是「娛樂」的本義，對於這我不太曉得，我只知道醜聞見街時，無論是真是假，一定有人因此受傷害。

　假如你不認識當事人，此事看過之後也許便會不了了之；但假如你認識她，面對萬把飛刀一湧而來的境況，只能慨嘆地視之為成名的代價。

　「多謝支持！」說時輕鬆，但言猶在耳，話機那一邊似乎已經有點不再一樣。


Miss HK Winner 2005 - Tracy Ip 

posted by Red @ 2:12 上午 3 comments

2005-08-18 Shang Hai Pu Dong International Airport 

posted by Red @ 2:48 下午 2 comments

~Unavailable~

今日會去上海遊山玩水幾日~ 嘿嘿~

posted by Red @ 12:20 上午 6 comments

一號風球追星事件

十三號朝早九點幾，睇完天聞台個颱風路徑圖先決定過吾過香港。
老實講就係成個人根本都未準備好，而且全日又淨係食得一舊紅豆榚，結果就係全程 d 相好多都震震下。

新都會 d 相都還可以，因為精神力量搭救，而且當時未算好肚餓；但一去到新城市，真係頂吾住。一來人多，二來自己無力，三來又掛住番吾番到屋企。

最後完 show，諗緊去吾去銅鑼灣之際，先發覺原來我吾知個場o係邊～（（嘿～ Sorry Christine～））結果就心安理得快 d 去食野，見到門口有個牌寫住話「一號戒備訊號現正懸掛」既時候，已經好開心。

原來可以番屋企，比起肚餓有野食，又或者影到靚女相都開心。


2005-08-13 Typhoon Signal no.1 

posted by Red @ 2:01 下午 7 comments

2005-08-13 Jade @ Kwai Fong Metroplaza, HK 

posted by Red @ 1:34 下午 0 comments

2005-08-13 Stephy @ Sha Tin New Town Plaza, HK 

posted by Red @ 1:31 下午 0 comments

5D「血戰」D200

剛睇 forum, 有網友提到今年數碼單反其中一個注目點。
老實講．．．突然好認同佢既 point。

5D 如無意外八月尾就會曝光，D200 亦好似就近。
千萬像素 Canon 全畫格 vs 1.5 Nikon DX......真係吾知會變成點~

posted by Red @ 2:22 上午 4 comments

持「人」行兇

事源係咁既...

琴晚丈公丈婆由香港黎澳門，叫 d 細叔伯食飯。咁我地做後輩既，無乜事做總要到既．．．
我同我媽就最早到，等左陣之後四叔又到啦，叫左 d 麵包食下先，繼續等下等下有人黎．．．

係個香港o個邊吾知咩關係既阿依，攬住個 BB 入黎．．．所謂好事成雙，緊隨其後係又係一個香港o個邊便吾知咩關係既阿叔，「咩」住個 BB 入黎．．．再o係佢後面就係一個細路同另一對香港o個便吾知咩關係既阿姐阿哥，當時我已經心知不妙．．．

最後張檯大概有十個人，我，我媽，四叔，呀麻，丈公丈婆，香港o個邊吾知咩關係既阿叔阿依阿哥阿姐，加兩個 BB 一個細路．．．定係兩個細路．．．我都吾係好記得～

因為上左年紀既阿公阿婆有三個，仲有一個爸爸級一個媽媽級，再加埋兩對爸爸媽媽o係度，見到 BB 就緊係o個個樣（聰明既你實知道我講緊咩樣既，咪就係o個 d 懶係好鬼有童真去 tum 個 BB 又扮晒細o個 d 樣，又係吾係都讚晒話：「XX (一定係疊字) 好 (勁誇張既語氣) 乖 wor!!!」咁o個 d）。結果成餐飯，阿叔阿依為左兩個 BB 就實吾得閒架啦，老人家又係睇住兩個 BB 食飯，全檯人又相影又點又點，搞到 BB 變左餐飯既主角，細路變左餐飯既配角，其他人變左主角配角既 fans，我就變左二打六。

係，我不樓對 BB 同 細路＊ 係無咩好感，你甚至可以用「憎」黎形容我對 d BB 細路既態度。我一見到o黎 d 無知天真既野，就好想刮佢幾巴踢佢兩腳，話佢知o黎個世界吾o岩你，吾該你死左佢。當然，我吾會主動去憎 d BB 細路，只要佢地吾阻住我，我都吾會理佢。

問題出現啦，食到咁上下，o個個香港o個邊吾知咩關係既阿姐，抱住個 BB 黎到食緊雞既我隔離，「隊」個 B o係我面前，同個 B 講話：「睇下！o黎個係表哥～表哥～」坐我周圍既人當然即刻目不轉睛，以當個 B 係神既眼光望過黎。

o個一刻我真係要大力咬實舊雞去強忍住我既怒火。

但當我強忍既同時，我發覺個 B 無之前咁可憎，因為我發覺個阿依比個 B 更可憎。

第一，妳阻住我食野。

第二，可能你見過既所有人，見到妳個 B 都會笑晒口咁過黎逗佢玩，我吾知道係咪咁而令妳覺得只要妳抱住個 B，就去到邊度，做 d 咩野都會受歡迎，就做 d 咩野都會有人諒解妳。但吾好意思，我吾鐘意妳個 B，我更加吾鐘意妳諗住隊個 B 黎比我睇。或者「隊過黎比我睇」既潛台詞係．．．「你睇你睇！我個 BB 幾得意！係咪好可愛呢！」再潛潛台詞係．．．「你快 d 羨慕我」。

到最後，我無理過佢。我相信佢亦都好明白我既潛台詞係．．．「X街！行開啦！咪阻住晒！」

o黎個世界，o係你做某樣事情之前，麻煩諗下其他人既感受。

p.s.
＊細路對我既定義，係十四歲以下，但當然有例外。男既，基本上無廿歲，我都吾會對佢有好感，十四以下當然有可能見佢背面已經憎埋佢前面，除非佢有 d 氣質或者性格吸引到我；女既，基本上十四以上我吾會憎，但亦吾會有好感，可以話係．．．無感覺，十四以下，多野講，把聲勁尖o個 d，都憎。

posted by Red @ 2:15 上午 2 comments